Panton Aceh

11.57 Hendri Julian 0 Comments

Peta Aceh Dahulu
Agam :
Salam’alaikum hai putroe raja
Lon peuduk saleum keu bandum donya
Paken hai dinda gata ceuria
Bibi ngen mata seunang lagoina

Inong :
Alaikomsalam hai paduka raja
Saleum bak gata lon balah teuma
Bukon lon seunang bukon long seunda
Teuingat teuma cinta ngen kanda

Agam :
bayeun lam guha seupot lagoina
udep keumira bak beungoh teuka
paken jeut teuma ingat keu cinta
wahei adinda laju ceurita


Inong :
buloh di gunong teukoh bak raja
bak peuduk parang abeh pu nyang na
wajeb hai kanda neu ingat teuma
restu bak poma karab han trok na

Agam :
Bineh gle Tuhan lagak meuleupah
Seuolah-olah bintang kejora
Ingat hai adek sabee ta kubah
Lam ruhung dada keu saksi cinta

Inong :
Tajak u laot ta kawee bileh
Tasok bak pureh tapandang mata
Senang hai adek bak dinge kanda
Han gadoh cinta bah pih ka tuha

Agam :
Ie krueng blang kulam rhet cukop manyang
Urueng meuseunang bak meu tamasya
Gata hai adek katrep long pinang
Bak masa lam prang ban lheuh sikula

Inong :
Bungong jeumala harom nan ceudah
Bak jih on mirah sabee meuwarna
Paken hai kanda lon han neukubah
Keu mita cinta nyang baroe teuma

Agam :
Aneuk tiong di cong bak kirong
Ticem beuraghoe jeut peugah haba
Han ek long hai dek sipak ju lam tong
Bak kalam burong dum na troh desya

Inong :
Cukop meu ceuhu makmu bukon le
Bak rimba tuha keu saksi dua
Meu ah hai kanda kadang rab matee
Geu hei lee tuhan keu alam syuruga

Agam :
Boh panah itam sabee lam raga
Geuba ngen supra keu gantoe ngen saka
Adak pih dinda geuhei lee tuhan
Akan long riwang bak tuhan pinta

Inong :
Bireuen ngen matang sabee meupasang
Keuripet meuglang sabee na lam dang
Teurimeng geunaseh tuhan poe bintang
Geubie keukanda cinta lam seunang

Agam :
Nibak ateung blang lon pula kacang
Ngon bak geurundong pageu lon pula
Kajeut keuh meunan tanda keu pinang
Cinta lam dagang sampoe oh syurga



0 comments: